ဖြတ်လမ်း

ငါ့ကို ခွင့်လွတ်ပါ ... ကဗျာ ရယ် ...။

မိုး ..... ဆိုတော့လည်း ...
... ငါ့ စိတ်တွေ ... ရွဲတယ်။

ပြန်မက်ချင်စရာကောင်းတဲ့
အိပ်မက်ဟောင်း တစ်ပုဒ်တလေလောက်တောင်
ငါ့ ဒိုင်ယာရီထောင့်မှာ ခိုကပ်မနေဘူး။

ခပ်ယိုင်ယိုင် ဘဝလေးကို
ခိုင်မတ်အောင် ကျောင်းနေရတာနဲ့တင်
စကားတွေလည်း နာခဲ့ပြီ။

တံခါးတွေကို လိုက်ရှာဖွေသူဟာ
သော့ကို ရှာဖို့ မေ့လျော့ .....။

နောက်ဆုံးတော့ ...
မော/တိုးလျစွာ ကံကြမ္မာကို မေးမယ် ...
သေခြင်းကို သွားဖို့ရာ ...
ဘယ်လမ်းက ... အနီးဆုံးလဲ?။     ။

သူတို့ ငါ့ကို စ ညာနေကြပြီ

 

အပြုံးတ၀က် ဆိုပေမယ့် ...

ကျနော် ... ယုံပေးလိုက်ပါတယ် ...။

ဒီလိုပါပဲ ... လောကကြီးရယ် .....။

ကျနော်က ...

`ဗ´ထက်ချိုက်လောက်တောင်

ဟန်ဆောင် မကောင်းတဲ့ ကောင်ပါ ...။

ပြောင်းပြန် မြင်နေကြသူတွေကို

.... .... ပြောချင်တယ် ...။

ကျနော်က ... `၀´လုံးလေးဗျ ...။

(ခွင့်လွှတ်ကြပါ ...)

အဲဒါ ... ကျနော် `မဲ့´ လိုက်တာ ...။      ။

တကယ်မရှိတဲ့ ကဗျာ

ချောင်းကို ပစ်ပြီး ...
မြစ်ကို ရှာတာ မဟုတ်ရပါဘူး ...။

မြေကြီးကို ပစ်ပြီး
ကောင်းကင်ကို ရှာမိတာပါ ...။

ပုံပြင်ထဲမှာ ....
... ကျန်ရစ်တယ် ....။

ပြန်ပြောလို့ မရမယ့် အတူတူ ....။

တကယ်တော့ ...
ကျနော်လည်း မရှိခဲ့ဘူး ....။

ဒီကဗျာလည်း ....
ရှိခဲ့မှာ မဟုတ်ဘူး ......။      ။

ဘော်လုံးကွင်း

ကိုယ့်ကိုကိုယ် တောင်နဲ့မြောက်လို့
ထင်နေမိခဲ့တာ ...
အရှေ့အနောက်လှဲလျောင်းနေတဲ့
ကန့်လန့်ကောင် ဖြစ်နေမှန်း
နောက်မှ သိရတယ် ...။

ဒါနဲ့ ... စောဒကတက်မိတော့
ကံကြမ္မာဒိုင်လူကြီးက
နောက်တစ်ဝါ ပြတယ် ...။

ခင်ဗျားတို့ ယုံချင်ယုံ မယုံချင်နေ ...။

ကျနော်က ...
ဘော်လုံးသမား နှစ်ဆယ့်နှစ်ယောက်ကို
ထားရစ်ပြီး ...
အနီကတ် အပြခံရတဲ့
ဘော်လုံးကွင်း တစ်ကွင်းပါပဲ ...။     ။

ဘယ်သူမှ မဖတ်ချင်တဲ့ ကဗျာ

ကျနော်က ...
အုတ်အရောရော ကျောက်အရောရော
သီချင်းပါ ...။

လင်းခွင့်မရှိတဲ့အခါ
မှောင်ရမယ်လို့ ...
ဘယ်သူက ပြောလဲ ?

တေးသွားတွေ `က´မနေတဲ့
နံနက်ခင်းလေးတစ်ခုလို
စကား နည်းခဲ့ရတယ် ...။

ဘုရားသခင်က
တားမြစ်မထားပေမယ့်
မစားကောင်းတဲ့ သစ်သီးလေးတစ်လုံး
...... ရှိတယ်။

ဘယ်သူ့ကိုမှ မတွေ့ချင်တာ
မဟုတ်ရပါဘူး ...
ဘယ်သူကမှ
အတွေ့မခံတာပါ ...။ ။

နင့်အပြုံးတွေကို ငါ ကောက်သိမ်းထားတယ်

ဘာရယ်မဟုတ်ပါဘူးကွယ် ...
တခါတလေ
နင်ရယ်စရာပြောတဲ့အခါ
ဝင်ပြီး ရယ်မောပေးတတ်သူလိုမျိုးလေးပဲ
နင့်အတွက် အသုံးဝင်ရင် ...
ကျေနပ်ပါတယ် ...။

အချစ်ဆိုတာကို ...
ရယူပိုင်ဆိုင်ခြင်းလိုလို
စွန့်လွတ်ပေးဆပ်ခြင်းလိုလို
ငြင်းခုန်နေကြသူတွေကို ...
ငါ ... မုန်းတယ် ...။

တကယ်တော့ ...
ကောင်မလေးရယ် ...။

အချစ်ဆိုတာ ...။

ဖွင့်ပြောစရာ မလိုတော့လောက်အောင်
နင့်ကို ငေးကြည့်နေမိတဲ့အခါ ...
ကြယ်တာရာ အားလုံးကို ပိုင်ဆိုင်လိုက်သလိုမျိုး .......
.............. ..................။

ကျေးဇူးပြုပြီး ...
ငါ့ကို “အရူး”လို့ ခေါ်ပါကွယ် ...။     ။

ရင်ကွဲ ပက်လက် ကဗျာ

ငါ့ကို ... ထားခဲ့လိုက်ပါ ...
ဧရာဝတီ .....။

လူသားအားလုံးအတွက်
အသက်ရှင်ခွင့် မရမှတော့ ...
သမိုင်းတစ်ခုလို
ကိုယ့်ကိုကိုယ် စာအုပ်လေးလို
ပိတ်နေလိုက်ပါတော့ ...။

အတ္တတွေ စီးဆင်းနေမယ့်
မြစ်ကြီးတစ်ခုကို
ငါတို့ ...
မမြင်ချင်တဲ့ အခါ ...။

သဘာဝတရားကို
ငါတို့ ...
ကယ်တင်ခွင့် မရတော့တဲ့ အခါ ...။

ထားလိုက်ပါ ... ဧရာဝတီရယ်
မျက်ရည်တွေနဲ့
ဆက် ... စီးဆင်းကြတာပေါ့ ...။ ။

၃၀ . ၉ . ၂၀၁၁

ထူးထူးဆန်းဆန်း စောစောစီးစီး နိုးနေတဲ့ ဒီမနက်က ရေးလိုက်တဲ့ ကဗျာပါ။ တိုက်တိုက်ဆိုင်ဆိုင် ထူးထူးဆန်းဆန်း ဖြစ်သွားတယ်။

အရောင် မရှိတဲ့ ကဗျာ

ငါဟာ... ပွင့်စရာ အပင်မရှိတဲ့
ဂျစ်ပစီ ပန်းတစ်ပွင့်ရယ်ပါ ...။

ငါ စိုက်ပျိုးချင်တဲ့
အိပ်မက်သစ်ပင်လေးက
ရာသီဥတုနဲ့ မကိုက်ညီခဲ့ဘူး ...။

ကောင်မလေးရေ ...။

လူတွေကိုက
မသိချင်ယောင် ဆောင်နေတာပါကွယ် ...။

နာမ၀ိသေသန မရှိတဲ့ ကောင်ကလည်း
သူလို ကိုယ်လိုလောက်တော့
မွှေးပြနိုင်ပါတယ် ...။ ။

အတ္ထုပတ္တိ

ဗီလိန်မပါတဲ့
ပြုံ့ပင်တစ်ပုဒ်လောက်
ပြောပြကြစမ်းပါ ....

အဲဒီထဲမှာ
လူစွမ်းကောင်းလုပ်ချင်လို့ ...။ ။



(ကျနော် ပထမဆုံး မြင်ဖူးတဲ့ ကျနော်ရဲ့ ပုံနှိပ်ကဗျာလေး ဖြစ်ပါတယ် ....
အဲဒီအတွက် အစ်မ မနော်ဟရီကို ကျေးဇူးအများကြီး တင်ပါတယ် ...)

ဒီထက်ပိုပြီး ဘာမှ မျှော်လင့်မထားတဲ့ ကဗျာ

ဟန်ဆောင်ပြုံးနေရတဲ့
ပင်လယ်တစ်ကောင်လို
ငါ့ကိုငါ မုန်းနေတယ် ...။

ဒဏ်ရာတွေကို
အနက်ရှိုင်းဆုံးမှာ သိုဝှက်ရင်း
တည်ငြိမ်ချင်ယောင် ဆောင်နေခဲ့ရ ...။

မုန်တိုင်းမလေးရေ .......။

ငါ့ရင်ခွင်မှာတော့
နင်ဟာ ....
ဝုန်းဒိုင်းကြဲ နတ်သမီးပေါ့ ...။

လှိုင်းတွေ ခါတဲ့အထိ
နာကျင်ရတာတောင်
ငါ .....
နင့်ကို ချစ်သွားခဲ့မိတယ် ။ ။

အတ္တမျက်ရည်

နွေဦးရာသီ တဲ့ ...
အာရပ်ကမ္ဘာမှာ
အာဏာရှင်တွေကို
ဆန္ဒပြလှုပ်ရှားမှုတွေနဲ့
ဖြုတ်ချနေသလိုများလား ...?

သူ့ကို ချုပ်ကိုင် အုပ်စိုးချင်တဲ့
လူသတ္တဝါတွေကို
ကမ္ဘာကြီးက ဆန္ဒပြနေတယ် ...။

ပျက်စီးခြင်း၊ ပျောက်ဆုံးခြင်း၊
သေဆုံးခြင်း၊ ....ခြင်း၊ ... ခြင်း ...
မျက်ရည်တွေ ... မျက်ရည်တွေ ...
လူတွေ ငိုနေတယ် ...။
ဟုတ်တယ် ...
ကမ္ဘာကြီးလည်း ငို ... နေ ... တယ် ...။

ကျနော်တို့ “လူသား”တွေ
အတ္တစိတ်တွေ လျှော့ကြရမယ် ...။

ကမ္ဘာကြီး
ပြန် ...
စိမ်း .. လန်း .. ပါ .. စေ ...။ ။

(ဂျပန် ငလျင် ... သို့ ...)

အိပ်ပျော်နေတဲ့ အိပ်မက်

ဆောင်းရာသီရဲ့ ဝင်သက်ထွက်သက်တိုင်း
နှင်းတွေလို ... အလွမ်းတွေ စွတ်စိုတယ် ...။

ကြာခဲ့ပါပြီလေ ...
ဆောင်းခိုငှက်တွေလို
ငါမပြေးပုန်းခဲ့ပါဘူးကွယ် ...
မင်းထားခဲ့တဲ့ တံခါးဝမှာ
သံချောင်းလေးလို တိတ်ဆိတ်
ငါအိပ်နေလိုက်တော့တယ် ...။

ပြောပြစရာ ပုံပြင်တွေလည်း
အိပ်ရာဝင်ကုန်ကြပြီဆိုတော့
ပြက္ခဒိန်တွေပဲ တစ်ခုပြီးတစ်ခု
ချိတ်ဆွဲပြနေလိုက်တယ် .......။

ကဲ ...
Happy New year! ။ ။

ကိုယ့်ကိုကိုယ် သိသွားတဲ့ ကဗျာ

မင်းတို့ကို ထမ်းထားရတာ
ငါ မလေးပါဘူးလို့ ... အော်ဟစ်ရင်း
ပင်လယ်ဟာ ကျန်ရစ်တယ်။

လှိုင်းတွေကတော့ တဝုန်းဝုန်းနဲ့
ပင်လယ်ကို ထားပြီး
ထွက်ပြေးနေကြတုန်း .....။

အဲဒီမှာ ....
ငါ စဉ်းစားတော့တာပဲ ....။

ဟေး .... ကောင်မလေးတွေရေ ....။

ငါဟာ ...
လူမဟုတ်ဘူးကွဲ့
တကယ်တော့ ...
ပင်လယ်ကြီး တစ်ခုပါ .....။ ။

လက်ဆောင်

နှင်းဆီပန်းတွေပါ ...
လွင်ပြင်တစ်ခုလုံး စိမ်းလန်း
လွင်တီးခေါင်တောင် စိုပြေလို့ ...။

အဖြေဆိုတာကလည်း
တွက်ရင်းနဲ့ ပျောက်ပျောက်နေတတ်တာမျိုး .....။

ချစ်တဲ့ ကမ္ဘာမြေကြီးက
ပစ်စရာမရှိအောင် လှပလွန်းတော့
သူများတွေအတွက် မနာလိုဘူး
ဆူးတွေ အပြိုင်းအရိုင်း ဖူးပွင့်သွားတယ် ...။ ။


အသစ်မရေးဖြစ်တာလည်း ကြာပြီဆိုတော့ .. ခု ရွာပြန်ရောက်နေတုန်း ဟိုးတုန်းက စာအုပ်အဟောင်းကြားက ကဗျာစာရွက်အဟောင်းလေး ပြန်တွေ့တာနဲ့ တင်ပေးလိုက်ပါတယ်။ ကိုယ်ရေးထားတာလား .. ကူးထားတာလား မမှတ်မိတော့ဘူး။ ကူးထားရင်တော့ ရေးတဲ့လူကို အမြဲ ကူးပါတယ်။ ဒါကြောင့် ကျနော်ရေးထားတာပဲ ဖြစ်မှာပါ။ တခြားမှာ တွေ့ဖူးရင် ပြောသွားပေးကြပါ။

ပြောရဦးမယ် .. ခု ကျနော်တို့ ရွာမှာ အင်တာနက်ရနေပြီ။ အဲဒါကြောင့် ခု ရွာကနေ တင်ပေးလိုက်တာပါ။ ပုံတင်ဖို့ အခက်အခဲ ရှိလို့ ပုံတော့ မပါတော့ဘူးပေါ့ဗျာ။ ကဗျာလေးပဲ ဖတ်သွားကြပါတော့။ နောက်လည်း ပုံမှန် အသစ်တွေ ရေးပြီး တင်ပေးနေမှာ ဖြစ်တဲ့အကြောင်း သတင်းကောင်း ပါးလိုက်ပါတယ် အရပ်ကတို့ရေ ...။

တခါတခါ အချစ်ဆိုတာ

တန်းစီထားတဲ့ လူတွေထဲ မကြည့်ပါနဲ့ ...
ဟိုး ... နောက်ဆုံးမှာတောင်
ကိုယ်က ရပ်ခွင့်မရှိတဲ့ ဘဝပါ ....။

စိုက်ကြည့်နေတဲ့ လူတွေထဲ မရှာပါနဲ့ ...
ဟိုး ... ချောင်ထဲကတောင်
ကိုယ်က မျှော်ခွင့်မရှိတဲ့ ဘဝပါ ....။

ကိုယ့်ဘဝ ကိုယ်သိလို့
မျက်လုံးစုံမှိတ်ပြီး
မင်းနဲ့ ဝေး ... ရာ ...... ထွက် ....... ပြေး .......
အား !!! ဘယ်လိုမှ မရပါဘူး ....။

ချစ်ခြင်းနတ်သမီးလေးရေ ....

ဖွင့်မပြောတဲ့ အချစ်ကလည်း
အချစ်တစ်ခုပဲ မဟုတ်လားကွယ် ....

သေချာပါတယ် .... တိတ်တိတ်လေးပေါ့ .......။ ။

မီးပြတိုက်ရဲ့ အလွမ်းသီချင်း

လှိုင်းတွေ တသီတတန်းနဲ့ဆိုတော့
ငါ့ ရင်ခွင် အကန်းကလည်း
ကမ်းမမြင် လမ်းမမြင်ကို ငေးလို့ .....။

ငါက ဘယ်မှ မသွားခဲ့သလို
သူကလည်း ဘယ်မှ မသွားခဲ့ဘူး ...
အစကတည်းက ...
ငါ့တို့နှစ်ယောက်ကြား
ပင်လယ်တစ်ကမ်း ကောင်းကင်တစ်ခုစာ
ဝေးခဲ့ကြပြီးသားပါ။

ကောင်မလေးရေ ...
ငါက မုတ်သုံပြောင်းပြန်နဲ့ ကောင်ပါ
စိတ်တွေက လေနှင်ရာ လွှင့်လွန်းတယ် ...။

ခုတော့လည်း ...
ငါ့အိပ်မက်လေးကို လွတ်ချထားလိုက်ပြီ ...။

တေးမသီတော့တဲ့ ငှက်ကလေးလို ...
ဟိုး .... ခပ်ဝေးဝေးကို
ပျံ ... သန်း .... ရင်း .......
နေတတ်သလို နေဖို့ .......။ ။

ကဗျာ မဆန်တဲ့ ကဗျာ

ငါ့ရဲ့ ကစားပွဲတိုင်း အရှုံးတွေချည်း ထပ်ခဲ့
ဒါပေမယ့် .... အခွင့်သင့်ရင်
ဝှက်ထားတဲ့ စပိတ်တစ်ကို ထုတ်အသုံးချချင်တယ် ...
လှည့်ဖြားတတ်တဲ့ ကံကြမ္မာကို
တခါတလေတော့ ပြန်ပြီး ကောက်ကျစ်သင့်တယ်လေ။

ဒီလိုနဲ့ ... လဲကျနေတဲ့အထိ
ကံဇာတာက တက်မလာဘူး .....
အတိတ်တစ်ခုလုံးလည်း မှောင်လှပြီ။

နောင်တတွေနဲ့ မွန်းကျပ်ဖူးပါရဲ့ ....
အဲဒီလွတ်လပ်မှုတွေကိုပဲ အပြစ်တင်ရင်း
မဖြေချင်တဲ့ မေးခွန်းကို
ထပ်ခါတလဲလဲ ဖြေနေရ .....။

တကယ်ဆို ဒီနေရာက ထွက်သွားသင့်ပြီ
ငါဘာကို ကြောက်နေတာလဲ?
လောကမှာ ဘာကို ကြောက်လို့ ကြောက်ရမှန်းမသိတာ
ကြောက်စရာ အကောင်းဆုံးပဲ။

အတ္တကြီးလွန်းတဲ့ လူတွေကို ငါမုန်းတယ်။

မှန်အမြဲကြည့်နေတဲ့ လူတွေကို ငါမုန်းတယ်။

ကယ်တင်ရှင်ယောင် ဆောင်တဲ့ လူတွေကို ငါမုန်းတယ်။

သေချာတာကတော့ ...
လူမဆန်တဲ့ လူတွေကို ငါ မုန်း တယ်။ ။

ပြတင်းပေါက်က လေတွေ အရမ်းတိုက်တယ်

၁။ ပြန်စာမလာပဲ မိုးလင်းခဲ့ရသော ညများ ...

၂။ သန်းခေါင်ကျော်မှာ ဖွင့်ဖြစ်တဲ့ အလွမ်းသီချင်း ...

၃။ အိပ်ချင်မူးတူးနဲ့ အသည်းခွဲတဲ့ အသံ ...

၎။(ရင်ဘတ်မပါပဲ) မျက်လုံးနဲ့ ဖတ်ခဲ့တဲ့ ခပ်ညံ့ညံ့ အချစ်ဝတ္တု ...

၅။ ရေနွေးများသွားတဲ့ ပေါ့ရွှတ်ရွှတ် ကော်ဖီတစ်ခွက် ...

၆။ ခြင်ဆေးထွန်းဖို့ မေ့နေတဲ့ ခြေထောက်များ ...

၇။ အဆင့်ချင်းကွာလွန်းပေမယ့် သိပ်မဆိုးတဲ့ ဘောလုံးပွဲ ...

၈။ အဆက်မပြတ် ဝါးနေတုန်းက မသိပဲ
ကုန်လို့ စားစရာမရှိတော့မှ အရသာသိတဲ့
ထွေးခံအပြည့်နဲ့ ကွမ်းသွေးတွေ ...

၉။ အရာရာဟာ ... ငါ မဟုတ်ပဲ
လွှင့်မျှော ပျောက် ဆုံး ခဲ့ ရ တဲ့ ...
ည ..... ။ ။



ခင်ဗျားတို့ သဘောတူသည် ဖြစ်စေ၊ သဘောမတူသည် ဖြစ်စေ ... ကျနော်ကတော့ ဒါကို ကဗျာလို့ သတ်မှတ်ပါတယ်။

ကျနော့်ရဲ့ အတိတ်တချို့မှာ အရာရာ လွှင့်မျှော ပျောက်ဆုံးခဲ့ရတဲ့ ညတွေ တော်တော်များများ ရှိခဲ့ဖူးပါတယ်။ အတိတ်ဆိုတာ ကျနော့်အတွက်တော့ Rewrite ပြန်လုပ်ချင်တဲ့ CD တစ်ချပ်ပါပဲ။ သူလို ကိုယ်လိုပါပဲ ... ကျနော်လည်း မှားခဲ့ဖူးတယ်။ အခုတော့ ... ကျနော့် ပြတင်းပေါက်က လေစိမ်းတွေပဲ တိုက်တော့တယ် ....။

၁။ ပြန်စာကို မမျှော်လင့်ရဲတော့တဲ့ ဘဝမှာ ကျနော် ... ဖုန်းလေးကို သံယောဇဉ် ကင်းကင်းနဲ့ပဲ ပိတ်ထားတတ်ခဲ့ပြီ။

၂။ သန်းခေါင်မကျော်လည်း ကျနော့်ဘဝ အစိတ်အပိုင်း တော်တော်များများဟာ အလွမ်းသီချင်းတွေနဲ့ အသားကျနေပါပြီ။

၃။ အသံ တစုံတရာရေ ... ဟယ်လို .. အသံ တစုံတရာရေ ... ကြားရလား?

၎။ ခပ်ညံ့ညံ့ အချစ်ဝတ္တုတွေ ဖတ်ပြီးရင် ကျနော်ညံ့ကြောင်း ပိုသိလာတယ်။

၅။ ကောင်မလေးရေ ... ခုတော့ ဘဝခါးခါးထက် ဘယ်ကော်ဖီကမှ ပိုမခါးနိုင်တော့ဘူးကွဲ့။

၆။ အဲဒီနေ့ကစပြီး ကျနော် ခြင်ဆေးမထွန်းတော့ဘူး။ သွေးအလှူကြီး ပေးပစ်တယ်။ အို ... ခြင်ထီး .. ခြင်မ ... ခြင်ကြားအပေါင်းတို့ ... ကျွန်ုပ်၏ သွေးအား မြိန်ရည် ရှက်ရည် လာရောက် သုံးဆောင်ကြပါလော့ ....။ “ကဲကွာ ... ဖြန်း .... ကွိ ...”
ခြင်။ ။ “ဟင် .. ခင်ဗျားကြီး ... ကျုပ်တို့ကို မာယာနဲ့ လှည့်စားတယ်ပေါ့ ... ဟုတ်လား ... မြှူဆွယ်ဖြားယောင်းမှုနဲ့ ခင်ဗျားကို တရားစွဲမယ် .... ဟင့် ..”
နုပ်။ ။ “မဟုတ် .. မဟုတ်ပါဘူးကွာ ... အကျင့်ပါသွားလို့ပါ ... ဆောတီးနော် ... ဆက်လက် သုံးဆောင်တော်မူပါ ကိုကိုခြင်ရယ် ...”
(တောက်! ဒီနောက်တီးနောက်တောက် စိတ်ကတော့ကွာ ... အလွမ်းစာရေးတာတောင် ဖြောင့်ဖြောင့်တန်းတန်း မရေးရဘူး ... ဟင်း .... ကဲ ထူးပါဘူးကွာ ...)
(မှတ်ချက်။ ။ဤကဗျာသည် သိပ္ပံနည်းကျ ကဗျာ မဟုတ်ပါ)

၇။ ခုတော့ ကျနော် ဘောလုံးပွဲ မကြည့်တော့ဘူး။ တင်းနစ်ပွဲတွေ ပြောင်းကြည့်တတ်လာတယ်။ (အို ... ရှာရာပိုဗာ ... သင် အားကြိုးမာန်တက် ကြုံးဝါး၍ ရိုက်လိုက်သော ဘော်လုံးကား ဆရီနာဆီသို့ မရောက်ပဲ ကျွန်ုပ်၏ နှလုံးသားထံသို့သာ အရှိန်နှင့် ပြင်းစွာ လာရောက် ထိမှန်ခဲ့ပါတော့တယ် ...)

၈။ ကျနော် .... ခု ... ကွမ်းမစားတော့ဘူး ...။ လမ်းထိပ်က ဝယ်စားနေကျ ကွမ်းယာသည်မလေး လင်နောက်လိုက်ပြေးသွားကတည်းက ကျနော် ကွမ်း ပြတ်တော့တာပဲ .... :-)

၉။ ပြီးပါပြီ ....။ ။

ကျနော် ထာဝရဦးညွှတ်နေမယ့် နောက်ထပ် ကောင်းကင်

မာန်ကို အမြင့်ဆုံးတင်ပြီး
ထုဆစ်ခဲ့တဲ့ ကောင်းကင်တွေ
ထာဝရ လှပနေဦးမယ်။

ကျနော်တို့ရဲ့ စာတည်းကလေးဟာ
အမှန်တရားနဲ့ ပွေ့ဖက်ထားသူသာ ...
...... ဖြစ်ရဲ့ ........။

လောကဓံရဲ့ ....
အထုအထောင်းတွေ ...
အရိုက်အပုတ်တွေ ...
ဘယ်လောက်လဲ ? .........။

တစ်စစီ လိုက်ကောက်ဖူးတယ် ...
တစ်ကောက်စီ လိုက်စုဖူးတယ် ...။

ကိုယ့်တူ ကိုယ့်သား အရွယ်က
ဟုတ်တာပြောပြော မဟုတ်တာပြောပြော
ဟုတ်ကဲ့လို့ ... မပြောတော့ဘူးဗျာ .......။

ပလေတိုးရဲ့ ဂန္တဝင်သာလိကာ ...
ထာဝရ ... ပျံသန်းသွားတော့တယ် ...။ ။

( ၂၁.၃.၂၀၁၀ နေ့က ကွယ်လွန်သွားသော ဆရာ မာန်မြင့် သို့ အမှတ်တရ ...)

ကောင်းကင်မရှိတဲ့ ငှက်တစ်ကောင်အတွက် အရိပ်

ငါ့ကိုငါ တားဆီးခဲ့တယ် ...
အကြိမ်ကြိမ်ပါပဲ ....။

လမိုက်ညလို ဘဝထဲကို
ပျိုးမကြဲပါနဲ့လို့ (မင်းကို)
ငြင်းဆန်ခဲ့တာလည်း တစ်ခါမက။

ဒီပန်းကို မလိုချင်လို့
မော့မကြည့်တာ မဟုတ်ပါဘူး
လမ်းတွေက ဆူးအပြည့်နဲ့မို့
ခေါင်းမမော့မိတာကို ကြာပါပြီ။

ကောင်းကင်ရဲ့ မိုးရေစက်တွေက
အေးမြမယ်မှန်း သိရက်နဲ့
ခဏခဏ မိုးခိုနေတဲ့ကောင်ပါ။

ငါ့ရဲ့ ဆန့်ကျင်ဘက်လေးရေ ....။

ငါဟာ ကျောက်ရုပ်မဟုတ်ဘူးကွဲ့
မင်းအတွက် အလံဖြူတွေကို
ရင်ခွင်နဲ့ အပြည့် သိမ်းထားသူပါ။

တစ်နေ့တော့ ...
နှင်းဆီအနီတွေကို
မင်းအိပ်မက် လိပ်စာတပ်ပြီး
အရောက်ပို့လိုက်ပါ့မယ်။ ။