အသံတစုံတရာ

ဆောင်းဦးညတွေဟာ
ဟိုအရင်နှစ်တွေအတိုင်းပဲ
အလွမ်းဖွဲ့သံစဉ်တွေကို
ရှိုက်ငိုသီဆိုရင်း
ပြတင်းပေါက်ကို လာခေါက်နေကြပြီ။
ကြားခွင့်မရှိတော့တဲ့
အသံတစုံတရာများ
နှင်းစက်တွေကြားမှာ ပုန်းခိုနေတာလား။
မဖြစ်နိုင်ပါဘူးလေ...
အသံတစုံတရာဟာ
ဘယ်တုန်းကများ ရှိုက်ငိုဖူးလို့လဲ ...
ငါသာ... အကြိမ်ကြိမ်အခါခါ
ကြေကွဲပြခဲ့ဖူးတာ ...
ငါပါ ......။
ဘာပဲဖြစ်ဖြစ်
ပြတင်းပေါက်ကိုဖွင့်လိုက်တယ်
ပြီးတော့ အလွမ်းတွေနဲ့အတူ
ငါ ကခုန်ပစ်လိုက်တယ်။
ဆောင်း ... ည .... တွေ
အရည်ဖျော်ပစ်တာတောင်
ပူလောင်ပြင်းပြတုန်း....။
အသံတစုံတရာရေ.....။
ဟယ်လို ... ကြားရလား
အသံတစုံတရာရေ.........။
ပြန်လာခဲ့ပါ
ဟိုး ......... အတိတ်တွေထဲကနေ
..... ပြန်လာခဲ့ပါ။
အရင်လို တိတ်ဆိတ်နေတဲ့အခါ...
ငါ့ သက်ပြင်းချသံ တိုးတိုးလေး
နင်ပြန်ကြားယောင်တဲ့အခါ...။ ။