ကျနော်က ...
အုတ်အရောရော ကျောက်အရောရော
သီချင်းပါ ...။
လင်းခွင့်မရှိတဲ့အခါ
မှောင်ရမယ်လို့ ...
ဘယ်သူက ပြောလဲ ?
တေးသွားတွေ `က´မနေတဲ့
နံနက်ခင်းလေးတစ်ခုလို
စကား နည်းခဲ့ရတယ် ...။
ဘုရားသခင်က
တားမြစ်မထားပေမယ့်
မစားကောင်းတဲ့ သစ်သီးလေးတစ်လုံး
...... ရှိတယ်။
ဘယ်သူ့ကိုမှ မတွေ့ချင်တာ
မဟုတ်ရပါဘူး ...
ဘယ်သူကမှ
အတွေ့မခံတာပါ ...။ ။
ဘာရယ်မဟုတ်ပါဘူးကွယ် ...
ငါ့ကို ... ထားခဲ့လိုက်ပါ ...
ဧရာဝတီ .....။
လူသားအားလုံးအတွက်
အသက်ရှင်ခွင့် မရမှတော့ ...
သမိုင်းတစ်ခုလို
ကိုယ့်ကိုကိုယ် စာအုပ်လေးလို
ပိတ်နေလိုက်ပါတော့ ...။
အတ္တတွေ စီးဆင်းနေမယ့်
မြစ်ကြီးတစ်ခုကို
ငါတို့ ...
မမြင်ချင်တဲ့ အခါ ...။
သဘာဝတရားကို
ငါတို့ ...
ကယ်တင်ခွင့် မရတော့တဲ့ အခါ ...။
ထားလိုက်ပါ ... ဧရာဝတီရယ်
မျက်ရည်တွေနဲ့
ဆက် ... စီးဆင်းကြတာပေါ့ ...။ ။
၃၀ . ၉ . ၂၀၁၁
ထူးထူးဆန်းဆန်း စောစောစီးစီး နိုးနေတဲ့ ဒီမနက်က ရေးလိုက်တဲ့ ကဗျာပါ။ တိုက်တိုက်ဆိုင်ဆိုင် ထူးထူးဆန်းဆန်း ဖြစ်သွားတယ်။
ငါဟာ... ပွင့်စရာ အပင်မရှိတဲ့
ဂျစ်ပစီ ပန်းတစ်ပွင့်ရယ်ပါ ...။
ငါ စိုက်ပျိုးချင်တဲ့
အိပ်မက်သစ်ပင်လေးက
ရာသီဥတုနဲ့ မကိုက်ညီခဲ့ဘူး ...။
ကောင်မလေးရေ ...။
လူတွေကိုက
မသိချင်ယောင် ဆောင်နေတာပါကွယ် ...။
နာမ၀ိသေသန မရှိတဲ့ ကောင်ကလည်း
သူလို ကိုယ်လိုလောက်တော့
မွှေးပြနိုင်ပါတယ် ...။ ။
ဗီလိန်မပါတဲ့
ပြုံ့ပင်တစ်ပုဒ်လောက်
ပြောပြကြစမ်းပါ ....
အဲဒီထဲမှာ
လူစွမ်းကောင်းလုပ်ချင်လို့ ...။ ။
(ကျနော် ပထမဆုံး မြင်ဖူးတဲ့ ကျနော်ရဲ့ ပုံနှိပ်ကဗျာလေး ဖြစ်ပါတယ် ....
အဲဒီအတွက် အစ်မ မနော်ဟရီကို ကျေးဇူးအများကြီး တင်ပါတယ် ...)
ဟန်ဆောင်ပြုံးနေရတဲ့
ပင်လယ်တစ်ကောင်လို
ငါ့ကိုငါ မုန်းနေတယ် ...။
ဒဏ်ရာတွေကို
အနက်ရှိုင်းဆုံးမှာ သိုဝှက်ရင်း
တည်ငြိမ်ချင်ယောင် ဆောင်နေခဲ့ရ ...။
မုန်တိုင်းမလေးရေ .......။
ငါ့ရင်ခွင်မှာတော့
နင်ဟာ ....
ဝုန်းဒိုင်းကြဲ နတ်သမီးပေါ့ ...။
လှိုင်းတွေ ခါတဲ့အထိ
နာကျင်ရတာတောင်
ငါ .....
နင့်ကို ချစ်သွားခဲ့မိတယ် ။ ။
ဟိုတလောက ELEVEN ဂျာနယ်မှာ ဆောင်းပါးလေး တစ်ပုဒ်ဖတ်မိပြီး စဉ်းစားမိတာလေး ပြောပါရစေ။
ဒီလိုဗျ ...။
၂၀၁၁ နိုဝင်ဘာလမှာ SEA Games ဆိုတဲ့ အရှေ့တောင်အာရှအားကစားပြိုင်ပွဲကြီး လာတော့မယ်လေ။ ၂၀၀၀ ခုနှစ်နောက်ပိုင်း အိမ်ရှင်နိုင်ငံတွေဟာ အိုလံပစ်အားကစားနည်းတွေ မဟုတ်တဲ့ ရိုးရာအားကစားနည်းတွေကို ထည့်သွင်းပြီး ရွှေတံဆိပ်တွေ ယူကြတယ်တဲ့ဗျ။ ပြီးတော့ သူတို့ဆုမရနိုင်တဲ့ အိုလံပစ်အားကစားနည်းတွေကိုလည်း ဖြုတ်ထားတတ်တယ်တဲ့ဗျ။ ဒီလိုနည်းနဲ့ အိမ်ရှင်နိုင်ငံတွေက နိုင်ငံအလိုက် ရပ်တည်မှုထိပ်ဆုံးနေရာကို ယူတတ်ကြတယ်တဲ့။
ထားပါတော့ ....။ ကျနော်ပြောချင်တာက ၂၀၁၁ မဟုတ်ပါဘူး။ ၂၀၁၃ SEA Games ကို မြန်မာနိုင်ငံက အိမ်ရှင်အဖြစ် လက်ခံကျင်းပမှာလေ။ အဲဒီအခါ ကျနော်တို့လည်း ရွှေတံဆိပ်တွေ ကြံဖန်ယူဖို့ လိုလာပြီ မဟုတ်လား။ အဲဒါကြောင့် ရိုးရာအားကစားနည်းဖြစ်မယ်ထင်တဲ့ ဟာလေးတွေကို ဉာဏ်မှီသလောက် စဉ်းစားကြည့်မိတယ်ဗျ။
၁။ ခေါင်းအုံးရိုက်ပြိုင်ပွဲ
(ဝါးလုံးတန်းပေါ် တက်ပြီး တစ်ယောက်နဲ့တစ်ယောက် ခေါင်းအုံးနဲ့ ရိုက်ရတာလေ။ အောက်ကျသူအရှုံး ...)
၂။ ချောတိုင်တက်ပြိုင်ပွဲ
(ဒါတော့ မြင်ဖူးကြမှာပါ ...)
၃။ပုဆိုးကွင်းစွပ် အပြေးပြိုင်ပွဲ
(နှစ်ယောက်တွဲ ပြိုင်ပွဲပေါ့ ... ဒါလဲ မြင်တယ်မဟုတ်လား ...)
၎။ ထုပ်ဆီးတိုး ပြိုင်ပွဲ
( အသင်းလိုက် အားကစားနည်းပေါ့ဗျာ ...)
၅။ ဇယ်ခုံပြိုင်ပွဲ
(လက်တောက်ခုံပေါ့ဗျာ ... စနူကာနဲ့ ဘိလိယက်ပြိုင်ပွဲကို ဖြုတ်မယ်ဗျာ ... အမယ် .. ခုနောက်ပိုင်း လက်တောက်ခုံတွေကလည်း pool table တွေလို ကျင်းခြောက်ကျင်း ဖြစ်နေပြီဗျ ..)
၆။ ကျားထိုးပြိုင်ပွဲ
(ဒါလည်း အတူတူပဲလေ ... စစ်တုရင်ပြိုင်ပွဲကို ဖြုတ်မယ် ...)
ပြီးတော့ ...
မြန်မာတွေ ဆုမရနိုင်မယ့် အားကစားနည်းတွေကိုလည်း အရှက်မရှိ ဖြုတ်ဖို့ လိုမယ်ဗျ။ ခု လာမယ့် အင်ဒိုနီရှား SEA Games မှာ သူတို့ ဆုမရနိုင်တဲ့ အမျိုးသမီး ဘော်လုံးပြိုင်ပွဲကို ဖြုတ်သလို ကျနော်တို့လည်း အမျိုးသားဘော်လုံးပြိုင်ပွဲကို ဖြုတ်ထားဖို့ လိုမယ် :-)
ဒါပါပဲဗျာ...
ကျနော့် စာကို ဖတ်မိတဲ့ သူတွေကလည်း စဉ်းစားမိသမျှ ရိုးရားအားကစားနည်းလေးတွေကို ဆွေးနွေးကြဖို့ ဖိတ်ခေါ်ပါတယ် ...။ ။
နွေဦးရာသီ တဲ့ ...
အာရပ်ကမ္ဘာမှာ
အာဏာရှင်တွေကို
ဆန္ဒပြလှုပ်ရှားမှုတွေနဲ့
ဖြုတ်ချနေသလိုများလား ...?
သူ့ကို ချုပ်ကိုင် အုပ်စိုးချင်တဲ့
လူသတ္တဝါတွေကို
ကမ္ဘာကြီးက ဆန္ဒပြနေတယ် ...။
ပျက်စီးခြင်း၊ ပျောက်ဆုံးခြင်း၊
သေဆုံးခြင်း၊ ....ခြင်း၊ ... ခြင်း ...
မျက်ရည်တွေ ... မျက်ရည်တွေ ...
လူတွေ ငိုနေတယ် ...။
ဟုတ်တယ် ...
ကမ္ဘာကြီးလည်း ငို ... နေ ... တယ် ...။
ကျနော်တို့ “လူသား”တွေ
အတ္တစိတ်တွေ လျှော့ကြရမယ် ...။
ကမ္ဘာကြီး
ပြန် ...
စိမ်း .. လန်း .. ပါ .. စေ ...။ ။
(ဂျပန် ငလျင် ... သို့ ...)
၁။ လတ်တလော ကျနော့် နေ့စဉ်အလုပ်
မနက်တိုင်း သတင်းစာဖတ်၍ ရယ်မောခြင်း
(ရယ်သောသူ အသက်ရှည်၏တဲ့ ... လိုက်လုပ်ကြည့်ပါလား ....။)
၂။ လွှတ်တော် အစည်းအဝေးဆိုသည်မှာ
(က) လတ်တလောတွင် စာပေစိစစ်ရေးလုပ်ငန်းသည် ၎င်းအစည်းအဝေးသို့ ရောက်ရှိနေခြင်း
(ခ) လိမ်ထားသည်များကို ထပ်မံအတည်ပြုခြင်း
(ဂ) အစီအစဉ် ရှိမရှိဟူသော အဆိုများကို နောင်လာမည့် အစိုးရသစ်ဝန်ကြီးများကမဟုတ်ပဲ မကြာခင် နှုတ်ထွက်ရတော့မည့် လက်ရှိအစိုးရ ဝန်ကြီးအဟောင်းများက ပြန်လည်ရှင်းလင်း၍ ကတိများပေးနေခြင်းကြောင့် ဟာသလွှတ်တော် ဖြစ်နေခြင်း
၃။ မျှဝေခြင်း
(၁၁.၃.၂၀၁၁ ထုတ် မြန်မာ့အလင်း သတင်းစာမှ ခေါင်းကြီး ...)
သတင်းစာစောင်ရေ နေ့စဉ် သုံးသိန်းကျော်၊ တစ်လလျှင် ကိုးသန်းကျော်နှင့် တစ်နှစ်လျှင် စောင်ရေ တစ်သန်းကျော် ဖြုန်းတီးလျက်ရှိ
မြန်မာ ပြည်သူများအနေဖြင့် သတင်းအချက်အလက်များ၊ အသိဗဟုသုတများ၊ ဖျော်ဖြေမှုများကို ကမ္ဘာ့ပြည်သူများနည်းတူ မပြည့်မဝ ရရှိခံစားနိုင်
(ကျနော်က မျက်လုံးမကောင်းဘူး ...။)
၎။ ချင်းအမျိုးသားလွှတ်တော်
(သိဘူးလေ ... လောလောဆယ်တော့ ချင်းတွေပဲ တောင်းနေတာပဲ ... တခြားပြည်နယ်၊ တိုင်းတွေမှာ လိုလေသေးမရှိ ပြည့်စုံနေလို့ ဖြစ်မှာပေါ့ ...။)
သိကြားမင်းက မြန်မာ့အလင်းဖတ်ပြီး ခေါင်းခါတယ်။ ပြီးတော့ သူ့ရှေ့မှာ ရှိနေတဲ့ တာဝတိံသာ သတင်းထောက်ကို ပြောတယ် ...
“ဟဲ့ ... မြန်မာပြည်မှာ လွှတ်တော်အစည်းအဝေးက တစ်ရက်ကို ခဏလေးလုပ်လုပ်ပြီး ရက်တွေ ကြာလှပါလားဟဲ့ ... အဲဒါ ဘာကြောင့်လဲဆိုတာ မင်းနဲနဲ သွားစုံစမ်းစမ်း ...”
“Yes , Boss”
တာဝတိံသာသတင်းထောက်လည်း Harry Potter ဇာတ်ကားထဲကလို ဖောက်ကနဲ ပျောက်ပြီး ချက်ချင်းပဲ လွှတ်တော်ခန်းမထဲက ကျိုင်းကြီးရှေ့မှာ ဘွားကနဲ ပေါ်လာတယ် ...
“ဟဲ့ .. ပလုတ်တုတ်”
စာရွက်ထဲက စာသားကို အပီအပြင် ဖတ်ပြဖို့ပြင်နေတဲ့ လွှတ်တော်နာယကကြီး လန့်အော်တယ် ...
“ဟင်” “ဟာ”
လွှတ်တော်အမတ်တွေထဲကလည်း ကျွတ်စီကျွတ်စီနဲ့ အသံတွေ ထွက်လာတယ်။ အိပ်ငိုက်နေတဲ့ အမတ်တွေလည်း မျက်လုံးပွတ်ပြီး အံ့ဩသွားကြတယ်။ နောက်မှ လွှတ်တော်နာယကကြီးက သတိဝင်လာပြီး ...
“ဟဲ့ .. လွှတ်တော်ထဲကို ဘယ်သတင်းထောက်မှ ပေးမဝင်ပါနဲ့ဆိုတာ မင်းက ဘယ်လိုရောက်လာတာတုန်း ... လုံခြုံရေးတွေ ဘာလုပ်နေတာလဲ”
“ငှဲ ငှဲ ငှဲ ... ကျုပ်ကို ဘယ်လုံခြုံရေးကမှ တားလို့မရဘူးဗျ ... ကျုပ်က သာမန်လူ့ပြည်က ဂျာနယ်လစ်မဟုတ်ဘူး .. တာဝတိံသာသတင်းထောက်ဗျ .. သိကြားမင်းက မြန်မာပြည်မှာ လွှတ်တော်အစည်းအဝေး ဘာကြောင့်ကြာနေရလဲဆိုတာ မေးခိုင်းလို့ လာမေးတာ .. ကဲ .. လွှတ်တော်နာယကကြီး ရှင်းစမ်းပါဦးဗျ ...”
လွှတ်တော်နာယကကြီး တွေဝေသွားတယ် …။ ပြီးမှ မျက်မှန်ကိုချွတ် ခေါင်းရမ်းရင်း ...
“ကျုပ်လည်းမသိဘူးဗျ ... နေဦး .. ပြည်သူ့လွှတ်တော် ဥက္ကဌကြီးများ သိမလားမသိဘူး ... သွားမေးကြည့်ပါလား ...”
အဲဒီတော့ တာဝတိံသာသတင်းထောက်လည်း ရှာမေးရတော့တာပေါ့ ...
“.........?”
“ဘာတွေ လာမေးနေတာလဲ .. သမ္မတမလုပ်ရလို့ တင်းနေတယ်နော် .. ကျုပ်လည်းမသိဘူး .. သွားဗျာ ... သိချင်ရင် သမ္မတကြီးကိုသာ သွားမေးပေတော့ ...”
တာဝတိံသာသတင်းထောက်လည်း မိန့်မိန့်ကြီး အိပ်ငိုက်နေတဲ့ ဒုတိယဗိုလ်ချုပ်ကြီးဟောင်း၊ နိုင်ငံတော် ဝန်ကြီးချုပ်ဟောင်း၊ ဘာဟောင်း ညာဟောင်း လက်ရှိသမ္မတ အသစ်ချပ်ချွတ်ကြီးကို သွားမေးရတယ် ...
သူကတော့ ပြတ်တယ်။ တစ်လုံးတည်း ဖြေတယ် ...
“မသိဘူး”
ပြတ်ကရော ...။
အဲဒါနဲ့ တာဝတိံသာသတင်းထောက်လည်း ခေါင်းခြောက်ပြီး ဘာလုပ်ရမှန်းမသိတာနဲ့ သိကြားမင်းကို အစီရင်ခံစာ တင်လိုက်တယ် ...
“သိကြားမင်းကြီးခင်ဗျား .. မြန်မာပြည်က လွှတ်တော်အစည်းအဝေး ဘာကြောင့် ကြာနေရသလဲဆိုတာ မြန်မာနိုင်ငံ သမ္မတကြီးတောင် မသိရတဲ့အတွက် သိကြားမင်းကြီးလည်း မသိချင်ပါနဲ့တော့လို့ အစီရင်ခံ တင်ပြလိုက်ရပါတယ်ခင်ဗျား ...”
ပြတ်ကရော ... ။ ။
ဆောင်းရာသီရဲ့ ဝင်သက်ထွက်သက်တိုင်း
နှင်းတွေလို ... အလွမ်းတွေ စွတ်စိုတယ် ...။
ကြာခဲ့ပါပြီလေ ...
ဆောင်းခိုငှက်တွေလို
ငါမပြေးပုန်းခဲ့ပါဘူးကွယ် ...
မင်းထားခဲ့တဲ့ တံခါးဝမှာ
သံချောင်းလေးလို တိတ်ဆိတ်
ငါအိပ်နေလိုက်တော့တယ် ...။
ပြောပြစရာ ပုံပြင်တွေလည်း
အိပ်ရာဝင်ကုန်ကြပြီဆိုတော့
ပြက္ခဒိန်တွေပဲ တစ်ခုပြီးတစ်ခု
ချိတ်ဆွဲပြနေလိုက်တယ် .......။
ကဲ ...
Happy New year! ။ ။
မင်းတို့ကို ထမ်းထားရတာ
ငါ မလေးပါဘူးလို့ ... အော်ဟစ်ရင်း
ပင်လယ်ဟာ ကျန်ရစ်တယ်။
လှိုင်းတွေကတော့ တဝုန်းဝုန်းနဲ့
ပင်လယ်ကို ထားပြီး
ထွက်ပြေးနေကြတုန်း .....။
အဲဒီမှာ ....
ငါ စဉ်းစားတော့တာပဲ ....။
ဟေး .... ကောင်မလေးတွေရေ ....။
ငါဟာ ...
လူမဟုတ်ဘူးကွဲ့
တကယ်တော့ ...
ပင်လယ်ကြီး တစ်ခုပါ .....။ ။
SUNDERLAND FREEZE CHELSEA
UNITED STUNNED BY VILLA &
ARSENAL ADVANCE TO GRAB THEIR HOPE
အဲဒါကတော့ နောက်ဆုံးထုတ် First Eleven ဂျာနယ်မျက်နှာဖုံးက စာသားပါ
ထူးခြားချက်ကတော့ စာလုံးတွေ အရောင်ခွဲပြီး ရိုက်ထားတာပါပဲ
အရောင်ခွဲထားတဲ့ စာလုံးတွေချည်းပဲ ပြန်ရေးမယ်ဆိုရင် ဒီလိုရပါတယ် ...
SU FREE
UNITE &
ADVANCE TO GRAB THE HOPE
လို့ ဖတ်လို့ ရပါတယ် ...... ကျနော်ကတော့ ဘာသာပြန်သိပ်မကျွမ်းကျင်ပါဘူး ...
သူငယ်ချင်းတစ်ယောက်ကတော့ ခုလို ဘာသာပြန်ပေးပါတယ် ...
ဒေါ်စု လွတ်ပြီ...
မျှော်လင့်ခြင်းတွေကိုဖမ်းဆုပ်ကိုင်နိုင်ဖို့ အသေးစိတ်ပေါင်းစည်းပါ စုစည်းပါ
Eleven ကတော့ Eleven ပါပဲ ....
ရဲရဲဝံ့ဝံ့ လုပ်ရပ်အတွက် ကျနော်တို့ ဂုဏ်ယူစွာ အားပေးလိုက်ကြပါစို့ .......။ ။
(နောက်ဆက်တွဲ ......)
ခုမှ ကော်နက်ရှင်ကောင်းလို့ en2mm7@gmail.com ရဲ့ အကူအညီကို ယူလိုက်တာကတော့ ဒီလိုရပါတယ် .....
skinny: free
en2mm7: EN2MM:(adj) ၁။ (က) လွတ်လပ်သော။ ပွင့်သော။ ရှင်းသော။ လွတ်သော(မငြိသော)။ လွတ်ငြိမ်းသော။(v) လွတ်လပ်(adv) အခမဲ့
skinny: unite
en2mm7: EN2MM:(v) ပေါင်းစည်း
skinny: advance
en2mm7: EN2MM:(n) ချီစစ်။ ချီတက်ခြင်း။ တိုးဝင်လာမှု။ ပြန့်ပွားလာမှု။ တိုးပွားမှု။ တိုးတက် လာမှု။ တိုးတက်မှု။ ကြိုတင်ပေးငွေ။ စရန်။ တိုးပေးမှု။ တိုးတက်မှု။
skinny: grab
en2mm7: EN2MM:(vt,vi) လုယူသည်။(n) လုယူခြင်း။(v) လုယူ
skinny: hope
en2mm7: EN2MM:(n) မျှော်လင့်ချက်။(vt,vi) မျှော်လင့်သည်။ အားထားသည်။(v) မျှော်လင့်
grab ကိုတော့ ကျနော်ကိုယ်တိုင် သိဖူးတာက ဆုပ်ကိုင်ခြင်း ဖမ်းဆုပ်ခြင်းပါပဲ ....။ ကိုယ်တိုင်ပဲ ဘာသာပြန်ကြည့်လိုက်ကြပါတော့ဗျာ။
နှင်းဆီပန်းတွေပါ ...
လွင်ပြင်တစ်ခုလုံး စိမ်းလန်း
လွင်တီးခေါင်တောင် စိုပြေလို့ ...။
အဖြေဆိုတာကလည်း
တွက်ရင်းနဲ့ ပျောက်ပျောက်နေတတ်တာမျိုး .....။
ချစ်တဲ့ ကမ္ဘာမြေကြီးက
ပစ်စရာမရှိအောင် လှပလွန်းတော့
သူများတွေအတွက် မနာလိုဘူး
ဆူးတွေ အပြိုင်းအရိုင်း ဖူးပွင့်သွားတယ် ...။ ။
အသစ်မရေးဖြစ်တာလည်း ကြာပြီဆိုတော့ .. ခု ရွာပြန်ရောက်နေတုန်း ဟိုးတုန်းက စာအုပ်အဟောင်းကြားက ကဗျာစာရွက်အဟောင်းလေး ပြန်တွေ့တာနဲ့ တင်ပေးလိုက်ပါတယ်။ ကိုယ်ရေးထားတာလား .. ကူးထားတာလား မမှတ်မိတော့ဘူး။ ကူးထားရင်တော့ ရေးတဲ့လူကို အမြဲ ကူးပါတယ်။ ဒါကြောင့် ကျနော်ရေးထားတာပဲ ဖြစ်မှာပါ။ တခြားမှာ တွေ့ဖူးရင် ပြောသွားပေးကြပါ။
ပြောရဦးမယ် .. ခု ကျနော်တို့ ရွာမှာ အင်တာနက်ရနေပြီ။ အဲဒါကြောင့် ခု ရွာကနေ တင်ပေးလိုက်တာပါ။ ပုံတင်ဖို့ အခက်အခဲ ရှိလို့ ပုံတော့ မပါတော့ဘူးပေါ့ဗျာ။ ကဗျာလေးပဲ ဖတ်သွားကြပါတော့။ နောက်လည်း ပုံမှန် အသစ်တွေ ရေးပြီး တင်ပေးနေမှာ ဖြစ်တဲ့အကြောင်း သတင်းကောင်း ပါးလိုက်ပါတယ် အရပ်ကတို့ရေ ...။
