Friday, August 29, 2014

ပြည်ထောင်စု သမ္မတ ယောရုဝ နိုင်ငံတော်





ရှေ့က ရောက်လာသူကိုရော … နောက်မှ ရောက်လာသူကိုပါ ယမမင်းက မေးတယ် …

“ ကဲ … ပြောပါဦး … မင်းတို့ကို ရူးသွားစေလောက်တဲ့ အရာက … ဘာလဲ ? ”
နှစ်ယောက်လုံးက တပြိုင်တည်း ပြန်ဖြေတယ် …

“ …. အာဏာပါ … ”

အားလုံး တိတ်ဆိတ်သွားတယ် …။ နောက်မှ …

“ တောက် … ”
ယမမင်းက `တက်´ ခေါက်တယ် …။

သူတို့ နှစ်ယောက်ကို မသတီသလို ကြည့်ရင်း …

“ ငါတစ်ယောက်တည်းရဲ့ ဆန္ဒ အရဆိုရင် မင်းတို့ မလွယ်ဘူး ” “ ခုတော့ … ဟင်း … ”

ဟိုလူနှစ်ယောက်ကလည်း ပြိုင်တူလိုလို ပြန်ပြောပါတယ် …

“ ခုတော့ … ဘာဖြစ်လို့လည်းဗျ … အဘ ရှိတာပဲဗျာ … ဟဲ ဟဲ ”
ယမမင်း ဒေါသ ထွက်သွားပါတယ် …။
ဟိုလူ နှစ်ယောက်ကိုလည်း ပြန်ဟောက်ပါတယ် …
“ ဟေ့ကောင်တွေ … မင်းတို့ အဘက ကျန်ခဲ့ပြီကွ …
မင်းတို့ အဘကို ပြန် တ နေရမယ့် ခေတ် မဟုတ်တော့ဘူး ”

ဟို နှစ်ယောက် နည်းနည်း အံ့ဩသွားတယ် …။
နောက်တော့မှ … နားလည်သွားသလိုလိုနဲ့ အနားမှာ ရှိတဲ့ တပည့်ကိုယ်စီကို ခေါင်းငြိမ့်ပြလိုက်တယ်။

(ထိုအခါ …
လူနှစ်ယောက် ထွက်လာပြီး … ကိုယ်စီ ကိုင်ထားသော ဆာလာအိတ်များထဲမှ US ဒေါ်လာများကို ထုတ်၍ လမ်းသဖွယ် ခင်းကျင်း လိုက်သည်။)

တဒင်္ဂတော့ ယမမင်းကြီး မင်သက်သွားတယ်။
နောက်မှ သတိရပြီး …

“ မင်းတို့ … ဘာလုပ်တာလဲ ? ”

ဟိုနှစ်ယောက်ကလည်း အရင်လို လေသံနဲ့ပဲ ပြန် ရယ်ပြကြပါတယ် …

“ ဟဲဟဲ … ဟဲဟဲ ”

“ တောက် … ”

ယမမင်းကြီးက ဒေါ်လာတွေကို ကြည့်ရင်း `တက်´ ထပ်ခေါက်တယ်။
လေသံနည်းနည်း ပျော့သွားရင်း …

“ ငါတစ်ယောက်တည်းရဲ့ ဆန္ဒအရ ဆိုရင် … မင်းတို့ … ကွာ ”

ယမမင်းကြီး တစ်ခုခုကို အလိုမကျ ဖြစ်နေတဲ့ အသံနဲ့ ပြောတယ်။
ဟိုနှစ်ယောက်ကလည်း အဆင်ပြေပြီ ထင်ပြီး … ဟဲဟဲ … ဟဲဟဲ နဲ့ ထပ်ရယ်ပြနေကြတယ်။

“ ဒါပေမယ့် … ”

ယမမင်းကြီးဆီက အသံ ထွက်လာတယ်။
ဟိုနှစ်ယောက် ငြိမ်သွားတယ်။
ယမမင်းကြီးက ဆက်ပြောတယ် …

“ လွှတ်တော်ကို တင်ပြ ရဦးမယ် … ”

“ ဗျာ … ”     “ ဗျာ … ”

ဒီတခါတော့ ဟိုနှစ်ယောက် တပြိုင်တည်း အသံ မထွက်နိုင်တော့ဘူး။ ကြောင်းတူ သံကွဲ ဖြစ်သွားတယ်။
အဲဒီမှာ ယမမင်းကြီးက မလုံမလဲအသံနဲ့ မိန့်ခွန်းရှည်ကြီး ပြောချလိုက်တော့တယ် …

“ မိဘ ပြည်သူများ ခင်ဗျား … ဟဲဟဲ … ဟဲဟဲ … ဟဲဟဲ … … ” ။      

(ရေးထားတာတော့ ကြာလှပြီ။ ခုမှ အောက်ဆုံးမှာ နဲနဲ အက်ဒစ်ပြီး ဘလော့ဂ်ဒေး အမှတ်တရ တင်ဖြစ်ပါတယ်။)

Tuesday, March 18, 2014

လက်လွတ်စပယ် ပြောတတ်သူများ

  
ကျနော် တော်တော်နာမည်ကြီးပြီးသည့်နောက်မှာ ကျနော့်နောက်သို့ လူတော်တော်များများ လိုက်လာကြလေသည်။
     ကျနော် ကိုင်လိုက်လျှင် ရွှေတောင် ရွှံ့ ဖြစ်သည်ဟုပင် နာမည်ကြီးနေသော ကျနော်၏ ခေတ် ဖြစ်နေပါသည်။
     (ထိုအချိန်ကာလက ရွှံ့များ အတော်ရှားသွား၍ ဈေးကောင်းရသောနှစ် ဖြစ်လေသည်။ ရွှံ့ဖြစ်ရာနေရာ လယ်မြေများလည်း မရှိတော့လောက်အောင် ရှားပါးသွားလေပြီ။)
     ထုတ်ဝေသူ တချို့ လာကြသည်။
     ဂျာနယ်လစ် တချို့ လာကြသည်။
     အယ်ဒီတာ တချို့ လာကြသည်။
     “ဆရာရယ် ... ဆရာ ရေးပြီးသမျှစာကို ကျနော် လာယူပါ့မယ်။ ဆရာ ရေးပြီးသမျှကို ကျနော်တို့ ထည့်ပါ့မယ် ဆရာ”
     ဒါတော့ လွန်ပြီ။ ကျနော် တော်တော် တင်း သွားသည်။
      (သို့ ... ဒါရိုက်တာ ... ဤနေရာတွင်အေသင်ချိုဆွေ၏ သီချင်းကို ဇာတ်ဝင်သီချင်းအဖြစ် မထည့်ဖို့ အနူးအညွတ် မေတ္တာရပ်ခံပါသည်။ ဤအကွက်များသည် ရိုးလွန်းနေပြီ ဖြစ်သည့်အတွက် သင်ထည့်မိလျှင် ကျွန်ုပ် ကိုယ့်ကိုကိုယ် သတ်သေသွားနိုင်သည်ဟု ကျွန်ုပ်ကို ကျွန်ုပ် အသက်အန္တရာယ် ခြိမ်းခြောက်စာ ပို့ပြီး ဖြစ်သည်။)
     “ခင်ဗျားတို့ လက်လွတ်စပယ် မပြောကြနဲ့ဗျ ... ကျနော် ရေးသမျှ ထည့်မယ် ဟုတ်လား? ... ကျနော်က စိတ်မထင်ရင် မထင်သလို ခံစားမိတဲ့အတိုင်း သီချင်းစာသားတွေ ချရေးနေမိတဲ့ အချိန်တွေလည်း ရှိတယ်ဗျ။ ... ကဲ ... အဲဒါတွေရော ခင်ဗျားတို့ ထည့်မှာလား ...?”။     ။

    

Tuesday, March 4, 2014

ဖြတ်လမ်း

ငါ့ကို ခွင့်လွတ်ပါ ... ကဗျာ ရယ် ...။

မိုး ..... ဆိုတော့လည်း ...
... ငါ့ စိတ်တွေ ... ရွဲတယ်။

ပြန်မက်ချင်စရာကောင်းတဲ့
အိပ်မက်ဟောင်း တစ်ပုဒ်တလေလောက်တောင်
ငါ့ ဒိုင်ယာရီထောင့်မှာ ခိုကပ်မနေဘူး။

ခပ်ယိုင်ယိုင် ဘဝလေးကို
ခိုင်မတ်အောင် ကျောင်းနေရတာနဲ့တင်
စကားတွေလည်း နာခဲ့ပြီ။

တံခါးတွေကို လိုက်ရှာဖွေသူဟာ
သော့ကို ရှာဖို့ မေ့လျော့ .....။

နောက်ဆုံးတော့ ...
မော/တိုးလျစွာ ကံကြမ္မာကို မေးမယ် ...
သေခြင်းကို သွားဖို့ရာ ...
ဘယ်လမ်းက ... အနီးဆုံးလဲ?။     ။

Saturday, September 15, 2012

ကြေငြာလာနေတာ မဟုတ်ပါ





ကျွန်တော်၏ ဇာတ်လိုက် ကိုလေးဖြူသည် unplugged ရှိုးပွဲတစ်ခု သီဆိုဖျော်ဖြေရန် ဟိုတယ်တစ်ခုရှိ ခန်းမအတွင်းသို့ ဝင်ရောက်လာလေသည်။ သို့သော် စားပွဲအသီးသီးတွင် ထိုင်နေကြသော ဂျာနယ်လစ်များ၊ ပရိတ်သတ်များနှင့် ဘာမသိညာမသိလူအများကမူ တုပ်တုပ်မျှ မလှုပ်ကြချေ။ ထူးတော့ ထူးနေလေပြီ။ မြန်မာနိုင်ငံ၏ နာမည်အကြီးဆုံး အဆိုတော်ကြီး ဝင်လာသည်ကို မြင်နေသော်လည်း တုပ်တုပ်မျှ မလှုပ်ကြသည်မှာ ထူဆန်းလေသည်။ ပရိတ်သတ်များနှင့် ဘာမသိညာမသိလူအများက မလှုပ်သည်မှာ သိပ်မထူးဆန်းသော်လည်း ဂျာနယ်လစ်ဆိုသူများ မလှုပ်သည်မှာ တော်တော်ကြီးကို ထူးဆန်းနေလေသည်။

“ ဘယ်သူမှ မမှတ်မိကြပါလား ”

ထို့ကြောင့် ကိုလေးဖြူ သူ့ကိုယ်သူ ပြန်စစ်ရလေသည်။ ထိုအခါ … တွေ့ပါပြီ။ ကိုလေးဖြူသည် သူ၏မျက်နှာကို ပြန်စမ်းကြည့်သောအခါ နှုတ်ခမ်းမွှေး၊ မုတ်ဆိတ်မွှေး၊ ပါးသိုင်းမွှေးများ မရိတ်တာကြာ၍ တော်တော် ရှည်နေကြောင်း တွေ့ရလေသည်။ ထို့ကြောင့် ဘယ်သူမှ သူ့ကို မမှတ်မိခြင်း ဖြစ်ကြောင်း သိသွားသော ကိုလေးဖြူသည် ထို အမွှေးများကို ရိတ်ရန် အိမ်သို့  နောက်ကြောင်းပြန်လှည့်လိုက်သည်။

သို့သော်…
ဤဟိုတယ်တွင် သူ့အတွက် ပြဿနာ နည်းနည်းရှိသည်။ ဟိုတယ်တွင် အားအားယားယား ဘယ်သူကမှန်းမသိ မွေးထားသော ခွေးနှစ်ကောင်၏ ပြဿနာဖြစ်သည်။ သာမန်အားဖြင့် ခွေးနှစ်ကောင်မှာ လိမ္မာသည်ဟု ဆိုနိုင်သော်လည် ဘာကြောင့်မှန်းမသိ … ကိုလေးဖြူကိုတော့ မှတ်မိသည်။ ရိုးရိုးမှတ်မိတာမဟုတ်။ ဆံပင် ရှည်ရှည် အရပ် ကလန်ကလားနှင့် ကိုလေးဖြူ ဝင်လာတိုင်း အစဉ်အလာမပျက် ထွက်ဆွဲ တတ်လေသည်။ ကိုလေးဖြူ ဤဟိုတယ်ကိုလာတိုင်း ပြေးရတာ အမော။

အလာတုန်းကတော့ ကားပေါ်မှမဆင်းခင်ကပင် လုံခြုံရေးလေးကို ခေါ်ကာ သူ့အကာအကွယ်ဖြင့် လာခဲ့သောကြောင့် ထို ခွေးနှစ်ကောင်ကို အရိပ်ပင် မမြင်ခဲ့ရ။ ယခု ပြန်အထွက်မှာတော့ ဘာလုံခြုံရေးမှ မရှိတော့။

ထိုစဉ် … ကိုလေးဖြူ တစုံတစ်ရာကို သတိရလိုက်လေသည်။ ထို့ကြောင့် ရဲရဲဝင့်ဝင့်ပင် နောက်ကြောင်းပြန် လှည့်လိုက်သည်… ။

တစ်လှမ်း …
နှစ်လှမ်း …
သုံးလှမ်း ………။ ဝုတ် …. ဝုတ် ….။ ခွေးနှစ်ကောင် ထွက်ဆွဲလေပြီ။ ထုံးစံအတိုင်း ကိုလေးဖြူလည်း သူ့ကားဆီ အရောက် ပြေးရပြီ။

ဝုန်း …. ဂျိမ်း …။ ကားဆီအရောက် ကားပေါ်ပြေးတက်ကာ ကားတံခါး ဆွဲပိတ်လိုက်ပြီးသောအခါ ကိုလေးဇြူ ခွေးနှစ်ကောင်၏ အန္တရာယ်က လွတ်လေပြီ။

“ဟောဟဲ.. ဟောဟဲ … ဟဲ့ခွေး … တောက် … မင်းတို့ကတော့ ငါ့ကို မှတ်မိတယ်ပေါ့လေ … ကောင်းကွာ”

စိတ်ညစ်ညစ်နှင့်ပင် အိမ်သို့ မောင်းလာခဲ့ရာ လမ်းတွင် ကားတစ်စီးက လမ်းပိတ်ကာ တားပြီး လူနှစ်ယောက်ဆင်းလာကာ …

“ကိုလေးဖြူ …. ”

ခေါ်သံနှင့်အတူ လွယ်အိတ်ဘေးတစောင်း လွယ်ထားကြသော ပုဂ္ဂိုလ် နှစ်ယောက်။

“ကျနော်တို့နဲ့ ခဏ လိုက်ခဲ့ပါ … မေးစရာလေး နည်းနည်း ရှိလို့ပါ …”

ဘယ်လို အကြောင်းကိစ္စပဲဖြစ်ဖြစ် ကိုလေးဖြူမလိုက်ချင်ပါ။ ရှိုးပွဲက အရေးကြီးသည်။ ကတိပေးထားပြီးပြီ။ သွားကို သွားမှ ရမည်။ ဒီလူနှစ်ယောက်ကလည်း မရမက ခေါ်မည့်ပုံ ပေါက်နေသည်။

ထိုစဉ် … ကိုလေးဖြူ တစုံတစ်ရာကို သတိရလိုက်လေသည်။ ထို့ကြောင့် သူတို့ကို ပုံမှားရိုက်ရန် စဉ်းစား၍ ပြောလိုက်သည်။

“ခင်ဗျားတို့ လူမှားနေပြီထင်တယ်ဗျ … ကျနော် လေးဖြူမဟုတ်ပါဘူး …”

ထိုလူနှစ်ယောက် နည်းနည်းတော့ ကြောင်သွားသည်။ ကိုလေးဖြူကို သေချာ ထပ်ကြည့်ရင်း ပြောသည်။ ဒေါသလည်း အနည်းငယ် ထွက်လာပုံ ရသည်။

“မနောက်ပါနဲ့ဗျ။ ကျနော်တို့က တာဝန်အရပါ။ ခင်ဗျား လေးဖြူဆိုတာ သေချာပါတယ်။ ကျုပ်တို့ ခင်ဗျားကို မမှတ်မိစရာ ဘာအကြောင်းမှ မရှိဘူး။ အေးအေးဆေးဆေးသာ လိုက်ခဲ့ပါ။ ကျုပ်တို့ကို ဘာကောင်တွေ မှတ်နေလဲ …”

ထိုစဉ် … ကိုလေးဖြူ တစုံတစ်ရာကို သတိရလိုက်လေသည်။ ထို့ကြောင့် ကိုလေးဖြူက ခေါင်းတငြိမ့်ငြိမ့်နှင့် …

“မင်းတို့ကလည်း ငါ့ကို မှတ်မိတယ်ပေါ့လေ …။ အေးပါ .. မင်းတို့ ဘာကောင်တွေလည်းဆိုတာ ငါသိသွားပါပြီ”

ကြေငြာလာနေတာမဟုတ်ပါ။ ဤတွင် ကျွန်တော်၏၀တ္တု ပြီးပါပြီ။       ။


( ဤ၀တ္တုတွင် ကိုလေးဖြူ၏ အမည်ကို အသုံးပြုထားသော်လည်း ကာယကံရှင် ကိုလေးဖြူထံမှ ခွင့်ပြုချက် မတောင်းခံနိုင်ခဲ့ပါ။ ဤ၀တ္တုကြောင့် ကိုလေးဖြူ၏ ဂုဏ်သိက္ခာ တစုံတရာကို မထိခိုက်နိုင်ဟု ယုံကြည်မိသောကြောင့် ရေးမိ တင်မိပါသည်။ ကိုလေးဖြူကို ချစ်သောစိတ်ဖြင့် ဇာတ်လိုက်တင်ရေးမိခြင်းသာ ဖြစ်ပြီး အကြောင်းအရာမှာ စာရေးသူ၏ အာဘော်သာ ဖြစ်ပါသည်။)

နွေဆူးလင်္ကာ

Friday, August 24, 2012

သူတို့ ငါ့ကို စ ညာနေကြပြီ



 
အပြုံးတ၀က် ဆိုပေမယ့် ...
ကျနော် ... ယုံပေးလိုက်ပါတယ် ...။

ဒီလိုပါပဲ ... လောကကြီးရယ် .....။

ကျနော်က ...
`ဗ´ထက်ချိုက်လောက်တောင်
ဟန်ဆောင် မကောင်းတဲ့ ကောင်ပါ ...။

ပြောင်းပြန် မြင်နေကြသူတွေကို
.... .... ပြောချင်တယ် ...။

ကျနော်က ... `၀´လုံးလေးဗျ ...။

(ခွင့်လွှတ်ကြပါ ...)
အဲဒါ ... ကျနော် `မဲ့´ လိုက်တာ ...။      ။


Friday, August 10, 2012

ကျွန်တော်နှင့် ထွေရာလေးပါးပြဇာတ်



ကျနော်နှင့် ၀ိညာဉ်ခေါ်သံ

ပျင်းပျင်းရှိတာနဲ့ အိမ်ခြံဝင်းတံခါးအပြင်ကို ထွက်ပြီး ကျနော် ခေါ်လိုက်ပါတယ် …။
ဝိညာဉ်တွေကိုပါ …။
ဘာရယ်မဟုတ်ဘူး။ စကားပြောဖော်မရှိလို့ ခေါ်မိတာ ..။
ရောက်လာပါတယ် …။
အလုံးအရင်းနဲ့ကို ရောက်လာတာ …။
သူတို့ကို ကြည့်ပြီး ကျနော် စိတ်ပျက်သွားတယ် …။
ဒါနဲ့ပဲ ကိုယ်ခေါ်ထားတဲ့ ၀ိညာဉ်တွေကို ကိုယ့်ဟာကိုယ် ပြန်နှင်ရတယ် …။
“ ဟာဗျာ … သွားတော့ သွားတော့ … ကျနော် စကားမပြောချင်တော့ဘူး ”
အဲဒီ ၀ိညာဉ်တွေကလည်း ကျနော့်ကို ပြန်စိတ်ပျက်သွားတယ်။
“ ဘာလဲဟ … ”
“ ဘယ်လိုကောင်ပါလိမ့် ... ”
“ ….. ….. ….. ”
အသံမျိုးစုံ ရေရွတ်ရင်း ၀ိညာဉ်တွေ အလုံးအရင်းနဲ့ပဲ ပြန်လှည့်ထွက်သွားတယ်။
ဝိညာဉ်အိုကြီး တစ်ယောက်/ တစ်ကောင်/ တစ်ခုကတော့ ပြန်မသွားသေးပဲ ကျနော့်ကို နားမလည်သလို ကြည့်ပြီး မေးတယ် …။
“ နေပါဦး … မင်းပဲ ငါတို့ကို ခေါ်တာလေ … ခုတော့ ဘာမှ မပြောပဲ ဘာလို့ ပြန်နှင်ထုတ်ရတာလဲ ”
ကျနော် စိတ်ပျက်လက်ပျက် / မပြောချင်ပြောချင်/ စိတ်မပါ့တပါ နဲ့ပဲ ရှင်းပြလိုက်ရတယ်။
“ ဟုတ်ပါတယ် … ကျနော် ခေါ်တာပါ … ဒါပေမယ့် ခင်ဗျားတို့ကို ကြည့်ပြီး ကျနော် စကားပြောချင်စိတ် မရှိတော့ဘူး ”
ဝိညာဉ်အိုကြီးက ပြန်မေးပါတယ် …။
“ အေး … အဲဒါ ဘာဖြစ်လို့လဲ ”
“ ခင်ဗျားတို့က နာမ်ချည်းပဲကိုး … ရုပ်မှ မပါတာ …”
ကျနော့်အဖြေကို ကြားတော့ ၀ိညာဉ်အိုကြီး မကျေမနပ် ဖြစ်သွားပါတယ်။
ပြီးတော့ ကတ်ကတ် မလန်တလန်နဲ့ ကျနော့်ကို ပြန်ရန်တွေ့ပါတယ် …။
“ အော် … ငါတို့ကလည်း မင်းလို ခေါင်းမရှိတဲ့ ကောင်နဲ့ စကား မပြောချင်ပါဘူး ”
ကျနော် ကြောင်သွားတယ်။ ကိုယ့်ခေါင်းကိုယ် ပြန်စမ်းရင်း သူ့ကို ပြရတယ် …။
“ ခေါင်း … ရှိပါတယ်ဗျ … ဒီမှာလေ … ကျနော့် ခေါင်း ”
“ ငါတော့ … မမြင်ဘူးကွ … ”
ဝိညာဉ်အိုကြီးက ခေါင်းခါရင်း ပြောပါတယ် …။ ( ဟင့် … ရုပ်ရှိတဲ့ ကျနော့် ခေါင်းကို မမြင်ပဲ ခါနေတဲ့ အဲဒီင်္ နာမ် ခေါင်းကြီးကို ကျနော် မြင်ရတယ် …။ မုန်းလိုက်တာ … )
“ မင်း … တော်တော် စားသလား ”
ဝိညာဉ်အိုကြီးက မေးတာပါ။ ကျနော် ထပ်ကြောင်သွားတယ် …။
“ ဟင် … ဘာ … ဘာလဲ ”
“ မင်း … တော်တော် စားသလားလို့ ”
ကျနော် သဘောပေါက်သလို ဖြစ်သွားပါတယ်။ သူမြင်သလား၊ မမြင်သလား မသိပေမယ့် ကျနော် ရှက်ပြုံးလေး ပြုံးရင်း ပြန်ပြောရတယ် …။
“ အဟဲ … ဟဲဟဲ … စား … စားပါတယ် ”
“ ဪ … ဪ … အဲဒါကြောင့်ကိုး … ”
ဝိညာဉ်အိုကြီးက သူ့နာမ်ခေါင်းကြီးကို တငြိမ့်ငြိမ့် လုပ်ရင်း ပြောပါတယ်။
ကျနော် သုံးခါမြောက် ထပ်ကြောင်ရပါတယ် …။
“ ဘာ … ဘာဖြစ်လို့လဲဟင် ”
“ မင်းက လူတော့ … လူပဲကွ … ”
“ ဟုတ် … ဟုတ်တယ်လေ … ”
“ ဒါပေမယ့် … စားလွန်းလို့ ခေါင်းမရှိတာလား … ခေါင်းမရှိလို့ စားတာလားတော့ မသိဘူးပေါ့ကွာ… ”
ကျနော် လေးခါမြောက်နဲ့ နောက်ဆုံးအကြိမ် ကြောင် သွားပါတယ်။ ကိုယ့် ခေါင်းကိုယ်လည်း မယုံမရဲနဲ့ ပြန်စမ်း ကြည့်ရတယ်။
ဝိညာဉ်အိုကြီးက နောက်ဆုံးစကား ပြောပါတယ် …။
“ မင်းကတော့ … ကိုယ့်ကိုကိုယ် မသိတာ နေမှာပါကွာ … အခု … မင်းက ဘဲဥကြီး ဖြစ်နေပြီကွ … ”

ကျနော်နှင့် ကဗျာဆရာ

လက်ဖက်ရည်ဆိုင်ထဲမှာ ကျနော် ထိုင်နေတုန်း နယ်က ကဗျာဆရာတစ်ယောက် ၀င်လာတယ် …။
ကျနော့်ဝိုင်းမှာ ၀င်ထိုင်ရင်း ဟိုအကြောင်း ဒီအကြောင်း ပြောဖြစ်ကြတယ်။
နာမည်တွေ အကြောင်း စကားစပ်မိရင်း သူက ပြောတယ် …။
“ ငါတို့မြို့မှာ ရှိတယ်ကွ … ညီအစ်ကို နှစ်ယောက် … နာမည်က အေးအောင်နဲ့ အောင်အေး တဲ့ကွာ … သူ့မိဘတွေက ဘယ်လို စိတ်ကူးနဲ့ ပေးခဲ့ကြတယ် မသိဘူး ”
ကျနော် နားလည်သလို အပြုံးနဲ့ သူ့ကို ပြန်ပြောရပါတယ် …။
“ ဪ … မင်းတို့ ပြောပြော နေသလိုပေါ့ကွာ … စကားလုံး ရှားပါးမှုဆိုတာ … ”
ကျနော့် သူငယ်ချင်း ကဗျာဆရာ ဘာမှ ပြန်မပြော နိုင်ပါဘူး။
( သူ့မှာကလည်း အာမေဋိတ်တွေ ရှားပါးနေလို့ ထင်ပါတယ်လေ။ )

ကျနော်နှင့် ပညာတတ် အသိုင်းအ၀ိုင်း

“ မင်း မယုံမရှိနဲ့ … ငါက ပညာတတ် အသိုင်းအ၀ိုင်း ကကွ … ”
လက်ဖက်ရည် ဆိုင်ထဲမှာပဲ ကျနော် ကြွားနေတာပါ။ ( ကိုယ့်အိမ်မှာ ကိုယ် ကြွားလို့လည်း ရတာမှ မဟုတ်တာ။ )
“ ငါ့အဖေက ဆယ့်နှစ်ကြိုး ဦးမိုး ”
“ ငါ့အမေက ကဝေပညာရှင် ရတနာခင် ”
“ ငါ့ဦးလေးက အောက်လမ်း တဆုံး မောင်ဖိုးလုံး ”
“ ….. ….. ….. ”
“ ….. ….. ….. ”
“ ကဲ … ငါမပြောဘူးလား … ငါက ပညာတတ် အသိုင်းအ၀ိုင်းကပါလို့ … လက်ဖက်ရည်ဖိုး မင်း ရှင်းလိုက်တော့ ”
ပြောပြီး ကျနော် ထ ပြန်ခဲ့လိုက်တယ်။ သူ ထ မရိုက်ခင်ပေါ့ …။

ကျနော်နှင့် စိတ်ကူးယဉ်ဝတ္တု

အခု ရေးပြီးတဲ့ ၀တ္တုကို IDEA မဂ္ဂဇင်းတိုက်ကို သွားပို့တော့ အစ်မ မနော်ဟရီနဲ့ တွေ့ပါတယ်။
မြို့ထဲရောက်ရင် သူ့ဆီကို ၀င်မယ်လို့ ပြောထားတာကို သတိတရနဲ့ …
“ အော် … ဆရာလေး မြို့ထဲရောက်လို့ ၀င်လာတာပေါ့လေ … ”
“ ဟုတ်တယ်ဗျ … ကျနော်လည်း ဒုတိယမြို့ထဲမှာပဲ ကျင်လည်နေတာ … ပထမမြို့ထဲကို အရောက်အပေါက် နည်းတယ် … ”
အစ်မ မနော်ဟရီ ကြောင်သွားပါတယ်။
“ ဘာလဲဟဲ့ … ဒုတိယမြို့ထဲ ဆိုတာ … ”
“ လှည်းတန်း တ၀ိုက်ကို ပြောတာပါ အစ်မရယ် … ”
သူ သဘောပေါက် သွားပါတယ်။ ( အေးလေ … သူလည်း ဂျာနယ်တွေ ဖတ်ထားမှာပေါ့ )
နောက်မှ သူက ဆက်ပြောပါတယ်။ ဒီတခါ ကျနော် ကြောင်ကလှည့်ပါ။
“ ဒါနဲ့ … နွေဆူးလင်္ကာ … နင်က နာမ်ချည်းပဲကိုး … ရုပ်က ဘယ်နား ထားခဲ့လို့လဲ …”
“ ဗျာ … အဲ ”
(၀တ္တုအစ က ၀ဋ် … ၀တ္တုအဆုံး မှာကို လည်တော့တာပဲ။)
ဖြစ်နိုင်ပါတယ် …။
ကျနော်ကလည်း စိတ်ကူးနဲ့ စာမူ သွားပို့နေတာကိုး … ။      

Tuesday, July 31, 2012

တကယ်မရှိတဲ့ ကဗျာ




ချောင်းကို ပစ်ပြီး ...
မြစ်ကို ရှာတာ မဟုတ်ရပါဘူး ...။

မြေကြီးကို ပစ်ပြီး
ကောင်းကင်ကို ရှာမိတာပါ ...။

ပုံပြင်ထဲမှာ ....
... ကျန်ရစ်တယ် ....။

ပြန်ပြောလို့ မရမယ့် အတူတူ ....။

တကယ်တော့ ...
ကျနော်လည်း မရှိခဲ့ဘူး ....။

ဒီကဗျာလည်း ....
ရှိခဲ့မှာ မဟုတ်ဘူး ......။      ။

Friday, May 25, 2012

ဘော်လုံးကွင်း



ကိုယ့်ကိုကိုယ် တောင်နဲ့မြောက်လို့
ထင်နေမိခဲ့တာ ...
အရှေ့အနောက်လှဲလျောင်းနေတဲ့
ကန့်လန့်ကောင် ဖြစ်နေမှန်း
နောက်မှ သိရတယ် ...။

ဒါနဲ့ ... စောဒကတက်မိတော့
ကံကြမ္မာဒိုင်လူကြီးက
နောက်တစ်ဝါ ပြတယ် ...။

ခင်ဗျားတို့ ယုံချင်ယုံ မယုံချင်နေ ...။

ကျနော်က ...
ဘော်လုံးသမား နှစ်ဆယ့်နှစ်ယောက်ကို
ထားရစ်ပြီး ...
အနီကတ် အပြခံရတဲ့
ဘော်လုံးကွင်း တစ်ကွင်းပါပဲ ...။     ။

Thursday, March 8, 2012

ဘယ်သူမှ မဖတ်ချင်တဲ့ ကဗျာ




ကျနော်က ...
အုတ်အရောရော ကျောက်အရောရော
သီချင်းပါ ...။

လင်းခွင့်မရှိတဲ့အခါ
မှောင်ရမယ်လို့ ...
ဘယ်သူက ပြောလဲ ?

တေးသွားတွေ `က´မနေတဲ့
နံနက်ခင်းလေးတစ်ခုလို
စကား နည်းခဲ့ရတယ် ...။

ဘုရားသခင်က
တားမြစ်မထားပေမယ့်
မစားကောင်းတဲ့ သစ်သီးလေးတစ်လုံး
...... ရှိတယ်။

ဘယ်သူ့ကိုမှ မတွေ့ချင်တာ
မဟုတ်ရပါဘူး ...
ဘယ်သူကမှ
အတွေ့မခံတာပါ ...။ ။

Tuesday, December 27, 2011

နင့်အပြုံးတွေကို ငါ ကောက်သိမ်းထားတယ်


ဘာရယ်မဟုတ်ပါဘူးကွယ် ...
တခါတလေ
နင်ရယ်စရာပြောတဲ့အခါ
ဝင်ပြီး ရယ်မောပေးတတ်သူလိုမျိုးလေးပဲ
နင့်အတွက် အသုံးဝင်ရင် ...
ကျေနပ်ပါတယ် ...။

အချစ်ဆိုတာကို ...
ရယူပိုင်ဆိုင်ခြင်းလိုလို
စွန့်လွတ်ပေးဆပ်ခြင်းလိုလို
ငြင်းခုန်နေကြသူတွေကို ...
ငါ ... မုန်းတယ် ...။

တကယ်တော့ ...
ကောင်မလေးရယ် ...။

အချစ်ဆိုတာ ...။

ဖွင့်ပြောစရာ မလိုတော့လောက်အောင်
နင့်ကို ငေးကြည့်နေမိတဲ့အခါ ...
ကြယ်တာရာ အားလုံးကို ပိုင်ဆိုင်လိုက်သလိုမျိုး .......
.............. ..................။

ကျေးဇူးပြုပြီး ...
ငါ့ကို “အရူး”လို့ ခေါ်ပါကွယ် ...။     ။



Sunday, December 11, 2011

ရင်ကွဲ ပက်လက် ကဗျာ


ငါ့ကို ... ထားခဲ့လိုက်ပါ ...
ဧရာဝတီ .....။

လူသားအားလုံးအတွက်
အသက်ရှင်ခွင့် မရမှတော့ ...
သမိုင်းတစ်ခုလို
ကိုယ့်ကိုကိုယ် စာအုပ်လေးလို
ပိတ်နေလိုက်ပါတော့ ...။

အတ္တတွေ စီးဆင်းနေမယ့်
မြစ်ကြီးတစ်ခုကို
ငါတို့ ...
မမြင်ချင်တဲ့ အခါ ...။

သဘာဝတရားကို
ငါတို့ ...
ကယ်တင်ခွင့် မရတော့တဲ့ အခါ ...။

ထားလိုက်ပါ ... ဧရာဝတီရယ်
မျက်ရည်တွေနဲ့
ဆက် ... စီးဆင်းကြတာပေါ့ ...။ ။

၃၀ . ၉ . ၂၀၁၁

ထူးထူးဆန်းဆန်း စောစောစီးစီး နိုးနေတဲ့ ဒီမနက်က ရေးလိုက်တဲ့ ကဗျာပါ။ တိုက်တိုက်ဆိုင်ဆိုင် ထူးထူးဆန်းဆန်း ဖြစ်သွားတယ်။


Friday, December 2, 2011

အရောင် မရှိတဲ့ ကဗျာ


ငါဟာ... ပွင့်စရာ အပင်မရှိတဲ့
ဂျစ်ပစီ ပန်းတစ်ပွင့်ရယ်ပါ ...။

ငါ စိုက်ပျိုးချင်တဲ့
အိပ်မက်သစ်ပင်လေးက
ရာသီဥတုနဲ့ မကိုက်ညီခဲ့ဘူး ...။

ကောင်မလေးရေ ...။

လူတွေကိုက
မသိချင်ယောင် ဆောင်နေတာပါကွယ် ...။

နာမ၀ိသေသန မရှိတဲ့ ကောင်ကလည်း
သူလို ကိုယ်လိုလောက်တော့
မွှေးပြနိုင်ပါတယ် ...။ ။


Friday, November 25, 2011

အတ္ထုပတ္တိ


ဗီလိန်မပါတဲ့
ပြုံ့ပင်တစ်ပုဒ်လောက်
ပြောပြကြစမ်းပါ ....

အဲဒီထဲမှာ
လူစွမ်းကောင်းလုပ်ချင်လို့ ...။ ။



(ကျနော် ပထမဆုံး မြင်ဖူးတဲ့ ကျနော်ရဲ့ ပုံနှိပ်ကဗျာလေး ဖြစ်ပါတယ် ....
အဲဒီအတွက် အစ်မ မနော်ဟရီကို ကျေးဇူးအများကြီး တင်ပါတယ် ...)

Sunday, April 10, 2011

ဒီထက်ပိုပြီး ဘာမှ မျှော်လင့်မထားတဲ့ ကဗျာ

ဟန်ဆောင်ပြုံးနေရတဲ့
ပင်လယ်တစ်ကောင်လို
ငါ့ကိုငါ မုန်းနေတယ် ...။

ဒဏ်ရာတွေကို
အနက်ရှိုင်းဆုံးမှာ သိုဝှက်ရင်း
တည်ငြိမ်ချင်ယောင် ဆောင်နေခဲ့ရ ...။

မုန်တိုင်းမလေးရေ .......။

ငါ့ရင်ခွင်မှာတော့
နင်ဟာ ....
ဝုန်းဒိုင်းကြဲ နတ်သမီးပေါ့ ...။

လှိုင်းတွေ ခါတဲ့အထိ
နာကျင်ရတာတောင်
ငါ .....
နင့်ကို ချစ်သွားခဲ့မိတယ် ။ ။

Thursday, March 24, 2011

မြန်မာ့အားကစား ကမ္ဘာကို လွှမ်းစေရမည်

ဟိုတလောက ELEVEN ဂျာနယ်မှာ ဆောင်းပါးလေး တစ်ပုဒ်ဖတ်မိပြီး စဉ်းစားမိတာလေး ပြောပါရစေ။

ဒီလိုဗျ ...။

၂၀၁၁ နိုဝင်ဘာလမှာ SEA Games ဆိုတဲ့ အရှေ့တောင်အာရှအားကစားပြိုင်ပွဲကြီး လာတော့မယ်လေ။ ၂၀၀၀ ခုနှစ်နောက်ပိုင်း အိမ်ရှင်နိုင်ငံတွေဟာ အိုလံပစ်အားကစားနည်းတွေ မဟုတ်တဲ့ ရိုးရာအားကစားနည်းတွေကို ထည့်သွင်းပြီး ရွှေတံဆိပ်တွေ ယူကြတယ်တဲ့ဗျ။ ပြီးတော့ သူတို့ဆုမရနိုင်တဲ့ အိုလံပစ်အားကစားနည်းတွေကိုလည်း ဖြုတ်ထားတတ်တယ်တဲ့ဗျ။ ဒီလိုနည်းနဲ့ အိမ်ရှင်နိုင်ငံတွေက နိုင်ငံအလိုက် ရပ်တည်မှုထိပ်ဆုံးနေရာကို ယူတတ်ကြတယ်တဲ့။

ထားပါတော့ ....။ ကျနော်ပြောချင်တာက ၂၀၁၁ မဟုတ်ပါဘူး။ ၂၀၁၃ SEA Games ကို မြန်မာနိုင်ငံက အိမ်ရှင်အဖြစ် လက်ခံကျင်းပမှာလေ။ အဲဒီအခါ ကျနော်တို့လည်း ရွှေတံဆိပ်တွေ ကြံဖန်ယူဖို့ လိုလာပြီ မဟုတ်လား။ အဲဒါကြောင့် ရိုးရာအားကစားနည်းဖြစ်မယ်ထင်တဲ့ ဟာလေးတွေကို ဉာဏ်မှီသလောက် စဉ်းစားကြည့်မိတယ်ဗျ။

၁။ ခေါင်းအုံးရိုက်ပြိုင်ပွဲ
(ဝါးလုံးတန်းပေါ် တက်ပြီး တစ်ယောက်နဲ့တစ်ယောက် ခေါင်းအုံးနဲ့ ရိုက်ရတာလေ။ အောက်ကျသူအရှုံး ...)

၂။ ချောတိုင်တက်ပြိုင်ပွဲ
(ဒါတော့ မြင်ဖူးကြမှာပါ ...)

၃။ပုဆိုးကွင်းစွပ် အပြေးပြိုင်ပွဲ
(နှစ်ယောက်တွဲ ပြိုင်ပွဲပေါ့ ... ဒါလဲ မြင်တယ်မဟုတ်လား ...)

၎။ ထုပ်ဆီးတိုး ပြိုင်ပွဲ
( အသင်းလိုက် အားကစားနည်းပေါ့ဗျာ ...)

၅။ ဇယ်ခုံပြိုင်ပွဲ
(လက်တောက်ခုံပေါ့ဗျာ ... စနူကာနဲ့ ဘိလိယက်ပြိုင်ပွဲကို ဖြုတ်မယ်ဗျာ ... အမယ် .. ခုနောက်ပိုင်း လက်တောက်ခုံတွေကလည်း pool table တွေလို ကျင်းခြောက်ကျင်း ဖြစ်နေပြီဗျ ..)

၆။ ကျားထိုးပြိုင်ပွဲ
(ဒါလည်း အတူတူပဲလေ ... စစ်တုရင်ပြိုင်ပွဲကို ဖြုတ်မယ် ...)

ပြီးတော့ ...
မြန်မာတွေ ဆုမရနိုင်မယ့် အားကစားနည်းတွေကိုလည်း အရှက်မရှိ ဖြုတ်ဖို့ လိုမယ်ဗျ။ ခု လာမယ့် အင်ဒိုနီရှား SEA Games မှာ သူတို့ ဆုမရနိုင်တဲ့ အမျိုးသမီး ဘော်လုံးပြိုင်ပွဲကို ဖြုတ်သလို ကျနော်တို့လည်း အမျိုးသားဘော်လုံးပြိုင်ပွဲကို ဖြုတ်ထားဖို့ လိုမယ် :-)

ဒါပါပဲဗျာ...
ကျနော့် စာကို ဖတ်မိတဲ့ သူတွေကလည်း စဉ်းစားမိသမျှ ရိုးရားအားကစားနည်းလေးတွေကို ဆွေးနွေးကြဖို့ ဖိတ်ခေါ်ပါတယ် ...။ ။